)آینه+روز یاخود (ایانروس) — سلانیك شهرینك جنوب
شرقیسنده و كسندره جوارنده بر شبه جزیرە+در بو جزیره اون درت
ساعت طولنده و ایكی اوچ ساعت عرضنده بر دیل اولوب اوزرنده یكرمی
سكز عدد مناستردن بشقه ابنیه و یدی سكز بیك بیكار پاپاس و خدمه+دن ماعدا
كمسه یوقدر. بو پاپاسلرك كافه+سی روسیه ممالكندن و سائر روم مملكتلرندن
ثواب ایچون كوندریلان پاره+لرایله و سلانیك سنجاغی داخلنده بولنان اللی
سكز عدد چفتلكات و اراضیء موقوفه وارداتیله كچینورلر و بعض
موسملرده اوته+دن برورن زوار كلوب حال تجرد و انزواده بولنان مزكور
پاپاسلره اعانه ایدرلر. دولت علیه دخی بونلری بر كوچك ویركوی مقطوعدن
بشقه كافۀ تكالیفدن معاف طوتمشدر.
اشبو پاپاسلردن بر طاقمنك بوش طورمامق ایچون اغاجدن قاشق و قشاغی
و متكا كبی شیلر اعمالیله زوار و سائره+یه اهدا وبو صورتله تعیش ایلدكلری
دخی سموعدر.