اناكوس — آتنه+ده (ارغوس) حكومت قدیمه+سنك
مؤسس اولیدر. بو ذات فی الاصل فنیكه اهالیسندن اولوب ٣٧٠٠) خ)
تاریخنده یعنی میلادك بیك سكز یوز طقسان درت سنه مقدمنده فنیكه
چوبانلرندن و مصر سرسریلرندن طوپلادیغی بر چوق آدم ایله یونانستانك
اولوقت (ارغولید) دنیلان موره جهتنه هجرت ایتدی و اورمانلر
ایچنده و وحشی بر حالده یشایان اهالیء قدیمه یونانیه+یی تدریجاً جلب و جمع
و زراعت و فلاحتی و آتش یاقوب اتمك طبخ اتمكی تعلیم و جمله+سنك ریاستنی
درعهده ایلدی التمش سنه صكره وفات ایلدكده اوغلی و اخلافی برچوق
زمان حكمدارلق ایدوب مؤخراً (بلاشز) نامنی الان ملت ظهوره كلدی.
)ارغولیس) و (قورینت) شهرلرینی ابتدا تأسیس ایدن ذوات اشبو
)ایناكوس)ك احفادیدر.