ایلیریا یاخود (ایللیریا) — اوستریا ممالكنك جهت غربیسنده
اوچ ایالتك نام عمومیسیدر (تریسته) و (تیرول) ایالتلری دخی
بو عمومك داخلنده اولدیغی حالده جمله+سنه بردن ) ایلیریا) سواحلی و
)كوستنلاند) دخی دیرلر.
بو ممالك مقدما یونان ایلیریاسی و باربار ایلیریاسی ناملریله ایكی منقسم ایكن
صكره رومالیلره انتقالنده بو ناملر یرلشدی وبر مدت طونه و روم
ایلینك همان نصفنه قدر شمولی اولدی لكن مؤخراً اسلاو و مجارلرك
حكومتلری میدانه چیقدقده نام مذكور اونودیلوب فقط وندیكلولر
)دالماچیا) جهتنده قالان نام مذكوری محافظه ایده+بیلدی