ایلخان — مغولستان شهنشاهی (منكو) قاأن ایران والیسی
بولنان برادری (هلاكو) خانه (١٢٥٣ م و ٦٥١ ه) تاریخنده ایلخان
عنوانیله استقلال اعطا ایلدیكندن مومی الیهك حكومتنه (دولت ایلخانیه)
دنیلدی. دولت مشار الیها جیحون نهرندن مصره و اناطولی+یه قدر
نفوذینی اجرا اتمش و (تبریز) شهرینی مقر سلطنت اتخاذ ایلمشدر.
بو عنوان شرق تركلرینك بعنی (هون) ممالكنك جهت غربیسنده و (سو)
حكومتی حمایه+سنده اولان طائفه+نك رئیسی (توموئن) دخی ویرلمش و
) توموئن) بو عنوانه نائل اولدیغی اثناده زوجه+سی دخی (خاتون) عنواننه
نائل اولمشیدی.
سلالۀ ایلخانیه (١٣٣٥ م و ٧٣٦ ه) تاریخنده (ابوسعید بهادر)ك وفاتیله
انقراضه یوز طوتوب مؤخراً ممالكی طوائف ملوك حالنه كیردی و اكثریسی
جلایریلره انفال ایلدی.