) ایساغوجی — علم منطقدن بر كتابدر مؤلفی (اثیرالدین
فضل) یاخود (اثیرالدین مفضل) الابهری السمرقندیدر اشبو
)ایساغوجی) نامی ابتدا كلیات خمس ایچون موضوع اولدیغی حالده مؤخراً
كتاب مزبورك عمومنه اطلاق اولنمشدر قاضمیرك متنی اولان (هدایه)
نام كتاب دخی مؤلف مومی الیهكدر و قاضمیر حسین المببدینكدر
اثیرالدین)ك وفاتی حقنده اختلاف اولندی بعضیلر (١٢٦١ م و ٦٦٠ ه)
و بعضیلر (١٣٠٠ م و ٧٠٠ ه) تاریخنده دیدیلر
ایساغوجی اوزرینه پك چوق شروح و حواشی یازلدی جمسله+دن بری (١٤٣٠ م و ٨٣٤ ه)
تاریخنده وفات ایدن فاضل علامه شمس الدین محمد
بن حمزه الفنارینك شرح لطیف بلاغت ردیفیدر مومی الیه بونی بر كونده
كشیدۀ سلك سطور تألیف ایلدی و بونك اوزرینه دخی ابو بكر بن عبد
الوهاب حلبی (فرائد السنیه فی حل الفوائد الفناریه) نامیله و برهان الدین
بن كمال الدین (فوائد البرهانیه) نامیله حواشی یازدی
سید شریف جرجانی تلامیذندن (١٤٥٧ م و ٨٦٢ ه) تاریخنده وفات ایدن
شریف نورالدین علی بن ابراهیم شیرازی و (١٥٦١ م و ٩٦٩ ه) تاریخنده
ارتحال ایدن مصلح الدین مصطفی بن شعبان سروری و فاضل مشهور عبد
اللطیف عجمی مثللو فضلانك دخی بر چوق شرحلری واردر