ایرن — استانبول ایمپراطوریچه+سیدر. بو قزك اصلی اتنه+لی
و نسلی مجهول اولدیغی حالده كمال عقل و ذكا و حسن و ان و ادا ایله كسب
اشتهار ایلدیكندن ایمپراطور (قسطنطین) درسعادته كتوردوب نائل وصال
اولمق ایستدیسه ده امكان بوله+مدیغی جهتله (٧٦٩ م و ١٥٢ ه) تاریخنده
اوغلنه عقد ایتمشیدی بر مدت صكره مومی الیه قسطنطین و متعاقباً ایمپراطور
اولان اوغلی یعنی مرقومه+نك زوحی وفات ایتمكله ایمپراطورلق مرقومه+نك
اوكی اوغلنه قالوب كندوسی دخی وصی انتخاب اولندی لكن براز صكره
مرقومه+نك اقبالی ادباره منقلب اوله+رق خلفای عباسیه+دن (هارون الرشید)ك
بعض تكالیف مهمه+سنی قبول ایتدیكی و وصیسی اولدیغی چوجغی نعمت
بصردن محروم ایلدیی جهتله بدنام اولدی و آز زمان ایچنده باش خزینه+داری معرفتیله تختدن ایندیریلوب مدللو جزیره+سنه دفع ایدلدی و اوراده
وفات ایدنجه+یه قدر ایپلك اكیروب عمرینی مذلت و سفالتله كچوردی.
مرقومه+نك بو قدر غدری میدانده ایكن روملرك بونی اعزه صرە+سنه قویوب
هرسنه اغستوسك اون بشنجی كونی یورطیسنی طوتملری شایان استغرابدر