ایرلانده — انكلتره دولتی ممالكندن بریتانیا اطه+سنك جهت
غربیسنده و جوارنده بر جسیم اطه+در. بو اطه شمالدن جنوبه طوغری
درتیوز اللی و شرقدن غربه طوغری ایكیوز سكسان كیلومترو وسعتنده
اولوب اهالیسی مقدما دها زیاده اولدیغی حالده شمدی بش ملیون اوچیوز
بیك راده+سنده ایسه ده اكثریسی فقیر و حال بدویتده و همان كافه+سی
قتولك مذهبنده+در و مقر اداره+سی (دوبلین) شهردر.
ایرلاندە+نك اراضی و مرعاسی اپیجه ایسه ده بطاقلغی و رطوبتی چوقدر
ایرلانده مقدما مستقل بر قراللق ایكن نیجه سنه+لر محارباتان صكره (١٣٦١ م و ٧٦٣ ه)
تاریخنده انكلتره حمایه+سنی قبوله و (١٨٠٠ م و ١٢١٥ ه)
تاریخنده بتون بتون انقیاده مجبور اولدی
شمدی ایرلانده جزیره+سی درت ایالته و اوتوز ایكی قونتلغه منقسمدر قرا
اهالیسی كمال فقر و احتیاجلرندن یبانی پتته اكلیله و قصبات اهالیسنك
اكثریسی بز طوقومق كبی عادی صنعتلرله كچنمكده+در