آیدین — ازمیرك جنوب شرقیسنده و یكرمی درت ساعت
بعدنده تجارتكاه بر شهردر بو شهر مركز لوا اولدیغی حالده نامی منسوب
بولندیغی ولایته دخی ویرلمشدر دروننده متعدد جوامع شریفه و مساجد
و تكایا و مكاتب و كلیسا واردر بورادن ازمیره دائما شمندوفر ایشلمكده
و كلیتلو حبوبات و قوری انجیر و اوزم و زیتون و افیون و بویا و پلاموط و سائره
كوندریلوب اكثریسی خارجه صاتلمقدەدر. نفس ایدینك هواسی براز
آغرجه ایسه ده اراضیسی غایت منبت و محصولدار اولدیغندن بین الاهالی
اوه+لرینه التون اوە+سی تعبیر اولنور و پك چوق قیشی اولمدیغندن باغچه+لرنده
لیمون و پورتقال حاصل اولور.
) ایدین) بر مدت ملوك سلچوقیه و دولت علیه حمایه+سنده كچینان (اولوج)
بكلرندن برینك اسمی اولدیغی جهتله متصرف اولدیغی ممالكه (ایدن ایلی)
دیمشلر و صكره (كوزلحصار ایدین) دنیلوب شمدی كوزلحصارلغنی ده
قالدیرمشلردر.
بوراسی دولت علیه+یه كچیمكسزین امیری اولان ذات (١٤٥١ م و ٨٥٥ ه)
تاریخنده كرمیان و منتشا اوغللریله دولت علیه علیهنه قرمان اوغلی
ابراهیم بك ایله اتفاق ایلدیكندن سلطان (محمد ثانی) حضرتلری قونیه+یه
كیدوب مرقوم ابراهیم بكی تربیه ایتدكدن صكره ذكر اولنان ذاتلرك
ممالكنی و او صره+ده ایدینی دخی استیلا ایدرك ممالك دولت علیه+یه الحاق
ایلدی.
قرە+سی سنجاغی داخلنده و (اردك) قصبه+سنه اوچ ساعت مسافه+ده دخی
)ایدنجق) نامنده بر كوچك قصبه واردر