لغات تاریخیه و جغرافیه

Lugat-ı Tarihiyye ve Coğrafiyye

آی چیچكی

Ay çiçeği

آی چیچكی — معروف بر چیچكدر اناطولی و روم ایلی اهالیسی كون چیچكی دخی دیرلر. بو چیچك اوروپاده كلیت اوزره ترلا ترلا اكیلور و چیچكندن و تخمندن و صاپندن والحاصل هرشیثندن بشقه بشقه استفاده اولنور و اكیلان محلك هواسنی تصحیح و بطاقلقلرك علل متنوعه ظهورینی مستلزم اولان وخامتنی محو ایدر. چیچكندن آریلر كلیتلی وغایت لذیذ بال آلور و تخمندن یمك و یاقمق و صابون یاپمق ایچون اعلا یاغ چیقاریلور و ینه تخمیله طاوق و امثالی كوچك حیوانات و یاش و قوری یپراقلریله بیوك حیوانات بسله+نیلور و دانه+لرینك قبوغی چیقاریله+رق بلغور و پرنج كبی پیشیریلور و دانه+لری قاوریلوب بعض بهارات ایله قاریشدیریلور ایسه چقولاته+یه معادل بر شیء حاصل اولور و چیچكی اچلمزدن اول غنجه+سی سائر سبزه مثللو طبخ و اكل ایدیلور ایسه انكنار لذتی ویرر. وچیچكلرك تخمی الندقدن صكره قالان طبانی صوده حشلانوبده اینكلره ویرلدیكی حالده سودینی ارتیرر. چینلولر صاپنده اولان لیفلردن غایت اینجه و لطیف بر نوع قماش طوقویوب ایپك منسوجاتدن بهالی صتارلر و دانه+لرینك قبوغندن قبا كاغد و صاپنك اوزندن یازی كاغدی اعمال ایدرلر. آی چیچكی زراعتی روسیه+ده اول درجه ایلرولمشدركه (١٨٦٥ م و ١٢٨٦ ه) تاریخنده پروسیه ممالكنه (٥٠) ملیون قیه آی چیچكی تخمی ادخال اولنمش و بهاسی ٣٧ ملیون غروشه بالغ اولمشدر چونكه ییدیكمز سبیر یاغنك ایچنده یوزده اون بش یكرمی آی چیچكی یاغی واردر. واه (زراعمز) واه (تشویق) واه (طریق)