ًایتالیا — اوروپا قطعه+سنك جهت جنوبیسنده شمالا فرانسه
و اوستریا و اسویچره و شرقاً وندیك كورفزی و یونان دكزی و جنوباً بحر
سفید و غرباً سچلیا دكزی و جنوه كورفزیله محدود بر قطعۀ جسیمه+در.
ایتالیا شمالدن جنوبه طوغری اوزامش بر شبه جزیره اولوب اراضیسنك
مساحۀ سطحیه+سی تربیعاً ایكی یوز طقسان التی بیك كیلومترو و نفوسی
یكرمی یدی ملیوندر هواسی معتدل ایسه ده وسطندە+كی بطاقلقلر خیلی
امراض تولیدینه سبب اولمقدە+در. بوراسی روما دولتی منقرض اولدقدن
صكره پك چوق اللره كچدیكی كبی (٥٧٠ م) تاریخنده دخی شرق
ایمپراطورلغیله لومباردیا قراللغی بیننده تقسیم و برچوق زمان دوقه+لق
و قونتلق وجهله اداره اولندی و اون ایكنجی و اون اوچنجی عصرلرده
سواحلنده وندیك و جنوه و ناپولی كبی جمهوریتلر تشكل ایتدی و پاپا
حكومتلرینك كسب وسعت ایتمسی و نورماندلرك ایتالیای جنوبیده+كی فتوحاتی
و المانلرك لومباردلری تحت اطاعته المسی كبی حادثات جسیمه ایتالیانك نوع
نوع انقلابنه سبب اولدی و (١٨٥٩ م و ١٢٧٦ ه) تاریخنه قدر (ساردنیا
و (موناقو) و (لومیاردیا) و (طوسقانه) و (سصلیاتین) كبی ًمستقلا
اداره اولنان طقوز عدد ولایات تاریخ مذكورده وقوعبولان محاربات
عقیبنده برلشدیریلوب ابتدا ساردنیا و مؤخراً ایتالیا نامی ویرلدی و دها
صكره ذكر اولنان (لومباردیا) و (وندیك) ممالكی فرانسزلرك قوت
و اعانتیله اوستریادن آلنوب ایتالیایه ویرلدی و ایتالیا دخی فرانسزلرك
اشبو معاونت و همتنه مقابلةً (ساوه) و (نیس) ایالتلرینی فرانسزلره اعطا
و احسان ایلدی
ایتالیا دولتنك قوت و مكنتی ایچون (حكومت) كلمه+سنه نظر بیوریله.