لغات تاریخیه و جغرافیه

Lugat-ı Tarihiyye ve Coğrafiyye

ایپك بوجكی

İpek böceği

ایپك بوجكی — صنف هوامدن بر بوجكدر بو قیمتلو بوجك فی الاصل بلاد شرقیه یه و باخصوص چین و ژاپون ممالكنه مخصوص ایكن شمدیكی بلاد معتدله+نك همان كافه+سنده تدارك اولندی. بو بوجك تخمی خشخاش تخمی قدر اوفق یمورطه+لردن عبارت اولوب سجاغی كوردیكی كبی اشبو یمورطه+لردن كوچك طرطل شكلنده چیقه+رق آق توت یپراغیله بسله+نیلور و بر بچق ماه ظرفنده تدریجاً بیور ایسه ده بر مدت معلومه ظرفنده اویوشوب بیومكدن قالور و بعده مذكور طرطللر ینه بیومكه باشلایوب نهایت كمالنی بولدیغی كبی میشه داللری اوزرنده جوفندن چقاردیغی ایپك تلی ایله (اره+شید) دنیلان عربستان فندیغی شكلنده بوغملیجه بر محفظه یاپوب كندوسنی دروننده حفظ ایدر و مذكور محفظه+یه قوزه دنیلور مؤخراً قوزه دروننده شكلنه تبدلات عارض اوله+رق اسمرجه بر بیوك سیكك قیافتنه كیرمسیله برابر ینه اویوشور قالور و یدی سكز كون صكره قیافت وهیئتی ینه دكیشه+رك قوزە+یی دلوب بیوجك بیاض كلبك صورتنده دیشاری چیقار و اولوقت چفتلشملریله دیشیسی بالاده ذكر اولنان تخملری یمورطلمغه باشلار و یمورطلمسنی متعاقب اركك و دیشیسی هلاك اولور فقط ایپكی استحصال اولنه+جق قوزە+لرك بوجكلرینه قوزه+یی دلوب چیقمغه میدان ویرلمیوب قوزە+لر فرونه قونه+رق یاخود قزغین كونشه سریله+رك هلاك ایدیلور چونكه دلیك قوزە+لر منسوجاتده استعمال اولنه+مز و مع مافیه (صیداق) تعبیر اولنان بو كبی دلیك قوزە+لر صیجاق صوده قینادلدقدن صكره ال ایله دیدیلیه+رك )كوكول) تعبیر اولنان ایپك یوكی یاپلق و بونكله ایپك اعمال اولنمق ممكن اولور. بر درهم اعشاری اعلا بوجك تخمندن ١٣٥ درهم اعشاری قوزه و بو مقدار قوزەدن ١٣٣ درهم اعشاری ایپك اسحصالی مجربدر