ایپسامتیس — (پیسامه+تیك) مصرك غرب شمالیسنده
مشتركاً حكومت ایتمش اون ایكی حكمدارك بریدر. اشبو حكمدارلر
اون بش سنه مشتركاً حكومت ایتدكدن صكره (٤٩٤٤ خ) تاریخنده
یعنی میلادك التی یوز اللی سنه مقدمنده ایچلرندن بونی بر سبب غریبه
مبنی چیقاروب طرد ایتدكلرندن بو دخی اناطولی طرفنه کچدی و او اثناده
یونانستاندن ازمیر و آیدین و موغله طرفلرینه هجرت ایتمكده اولان حشراتک
و یونان قورصانلرینك اعانه+سیله كیدوب مصری ضبط و یكرمی التنجی
سلالۀ فراعنه+یی تشكیل ایتدی و (منفیس) و (تب) شهرلرینی تزیین
و (توقراتی) شهرینی یونان تجارینه كشاد ایلدی.
) ایپسامتیس)ك سبب طردی شو وجهله+دركه اشبو اون ایکی حكمدار
اشتراك حكومت معاهده+سنی یاپدقدن صكره عجبا بو معاهدە+یی ایچمزدن
كیم بوزه+بیلور و بزه كیم غلبه ایده+بیلور دیو هاتف غیبه سؤال
و هاتف غیبك (ایچكزدن هر كیم تیمور طاس ایله شراب ایچر ایسه او كمسه
بو معاهده+یی بوزار) جوابی اوزرینه بونلر دخی تیمور طاس ایله شراب
ایچلمامسنی بربرینه قویاً تنبیه ایدرلر و بو صورتله اداره ایدوب
كیدرلر ایكن بر كون (ایپسامتیس) باشنده+كی شابقه ایله بر شراب ایچر
و صكره شابقه+نك ایچنده بیمور اولدیغنی اكلایوب پاپاسلره اخبار ایتمسیله
ایش اكلاشیلور و درحال طرد و تبعید اولنور.
بو وقعه هاتف غیب دیدكلری پاپلسلر معرفتیله صكره+دن اویدیرلمش بر شئ
دكلده ندر (لابرنت) کلمه+سنه نظر دخی بیوریله