ایاصوفیه — درسعادتده اثار عتیقه+دن معدود بر جامع شریفدر
بونی استانبول ایمپراطوری (ژوستنین) محترق اولان بر كلیسا عرصه+سی
اوزرینه یاپدیروب (٥٣٧ م) تاریخنده رسم كشادینی اجرا ایلدی و قبه+سی
یكرمی سنه صكره حركت ارضدن منهدم اولدیغی جهتله تكرار یاپلدی
استانبول فتح اولندیغی زمان سلطان (محمد ثانی) حضرتلرینك امریله
جامعه تحویل و تعمیر ایدیلوب ایلك جمعه نمازی اوراده ادا اولندی
ایاصوفیه+نك دروننده اولان ستونلر شام شریفده بعلبك شهر قدیمنده
شمس پرستلرك شمس نامنه یاپدقلری عبادتخانه+نك ستونلری ایدی صكره بو ستونلر
قیصر (اورلیانوس)ك امریله رومایه جلب و ینه شمس نامنه یاپیلان بر
معبده وضع اولندی و معبد مذكور خراب اولدقدنصكره اصلزادكاندن
برینك زوجه+سنه میراث قالوب ایاصوفیه+نك انشاسی اثناسنده بو قادین طرفندن
)ژوستنیین)ه اهدا ایدلدی. ایاصوفیه+نك صاغ طرفنده اولان مناره+یی
سلطان مشارالیه و صول طرفنده+كنی سلطان (بایزید) و دیكر ایكی منارە+یی
سلطان (سلیم ثانی) و دروننده اولان مرمر بیوك كوپلری
سلطان (مراد ثالث) و طاش كرسی+یی سلطان (مراد رابع) حضراتی یاپدیرمشدر.
ایاصوفیه+نك محرابدن قارشوسنده+كی بیوك قپویه قدر و سعتی ایكیوز التمش
طقوز و عرضی ایكیوز قرق اوچ و زمیندن قبه+نك وسطنه قدر ارتفاعی یوز
سكسان سكز قدمدر و دروننده یدی عدد قپو واردر و بیوك شمعدانلر
اموال غنایمدندر.
سلطان (سلم ثانی) و سلطان (مراد ثالث) و فاتح اكری سلطان (محمد)
و سلطان (ابراهیم) و شهزادكان حضراتنك تربه+لری جامع شریف مزیورك
خارجندە+در و بو تربه+لرك اك بیوكی اولان و جامع شریفه متصل بولنان
تربه جامع شریف ایله برابر یاپلمش اسكی بنالردندر.
كوچك ایاصوفیه دخی ذكر اولنان ایمپراطور (ژوستنین)ك امریله
اعذۀ خرستیانیه+دن (سركیوس) و (واقهوس) نامنه یاپلمش و
) سلطان بایزید ثانی) حضرتلری زماتنده دارالسعادة الشرفه اغاسی (حسین)
اغا معرفتیله جامعه تحویل اولنمشدر