اهل صلیب — (١٠٤١ م و ٤٣٣ ه) تاریخنده پاپا بولنان
طقوزنجی (بنوا) اسلامك آن بآن ترقی اتمكده اولدیغی بویله بر زمانده
اوروپا دولتلرینك بربرلریله مقاتله و منازعه ایتمسی لایق دكلدر
اولا بر مصالحۀ عمومیه عقد اولنسون صكره ایجابی اوزره ایشه مباشرتله
قدس شریف اسلامك اللرندن قورتارلسون دیه+رك اوروپا دولتلرینه
و بتون خرستیانلره اعلاننامه+لر كوندروب (متارکۀ آلهیه) نامیله بر معاهده
تنظیم ایتدیرمش و (١٠٩٦ م و ٤٩٠ ه) تاریخنده پایا بولنان ایكنجی
اوربن) دخی اولکی ملاحظه+یی تازەلیوب و فرانسه و شرق ایمپراطورلریله
) پولونیا) و (نورماندیا) كبی بیوك دوقه+لقلری تشویقی و برچوق
اجر و مثوبات و جمیع كناهلردن عفو عمومی وعد ایدوب اورته+لغی
ایاقلندیرمش اولدیغندن هر طرفدن فرانسه+یه كوكللو عسکر كلمكه باشلادی
و طوپلنان اشبو ساده دل فداییلرك كوكسلرینه قرمزی چوقه+دن برر خاچ
رسمی دیكیلوب اهل صلیب یاخود (قرووزاد) نامی ویرلدی و تاریخ
مذكوردن اعتباراً بش سنه ظرفنده انكلتره قرالیله سوق اولونان اهل صلیب
قدس شریف و عكا و انطاكیه و اورفه و بیروت و حوالیسنی آلدی
لكن كلنلرك انجق اوچده بری صاغ قالدی و (١١٤٦ م و ٥٤١ ه) )
تاریخندن اعتباراً یدی سنه ظرفنده المانیا و فرانسه قراللریله كلان اهل صلیب
فرقه+لرندن انجق یوزده یكرمیسی صاغ اوله+رق قدس شریفه واصل
اوله+بیلوب ذكر اولنان قراللر قدس شریفی یالكز بر زیارتله اكتفا و عودت
ایلدی و جنرال (جورج) قومانداسنده بولنان فرقه طرابلس غربی آلوب
تونس و قیروان حدودرینی تهدید ایتدی (١١٨٧ م و ٥٨٣ ه) تاریخنده
براً و بحراً هجوم ایدن اهل صلیب فرقه+لرندن المانیا قرالی (فره+دریق)
قومانداسنده اولان فرقه اناطولی ایچنده مغلوب و مومی الیه بر نهرده مغروق
اولدی و فرانسه و انكلتره قراللرینك قومانداسنده اولنلر یالكز عكایی
تكرار ضبط ایدوب دها ایلروسنه وارە+مدی و (١٢٠٢ م و ٥٩٩ ه) تاریخنده
پاپا بولنان اوچنجی (اینوسانس) اوروپالیلری تكرار تشویق ایلدیسه ده
خلقك كوزی ییلمش و ثوابدن بیقمش اولدیغندن چوقلق تأثیری اولدی
و طوپلنانلر دخی استانبوله قدر كلوب روم ایمپراطورینك تختنی ضبط
و بر لاتین حكومتی تشكیلیله اكتفا ایلدی و بونلرك بر كوچك فرقه+سی
اكرچه استانبولدن قدس شریف امدادینه كتمك اوزره یوله چیقدیسه ده
اوكلرینه دوشن دلیل قرەدن طوغری مصره كتوروب جمله+سنی اسیردر
دیو صاتدی و (١٢٢٩ م و ٦٢٧ ه) تاریختده المانیا ایمپراطوری ایكنجی
فره+دریق) برچوق عسكر ایله كلوب (دمیاط)ی استیلادن صكره
)عكا) و (صور) قلعه+لری یکی تشكل ایدن قدس قراللغی یدنده قلمق
و خرستیانلر قدس شریف زیارتندن محروم اولمامق و بیت مقدسه تعرض
ایدلمامك اوزره (ملك كامل) ایله بر مصالحه یاپدی و (١٢٥٠ م و ٦٤٨ ه)
تاریخنده فرانسه قرالی طقوزنجی (سنت لویی) ایتدیكی بر نذر اوزرینه
مكمل اردو ترتیب ایدرك قدس شریفی قورتارمغه كلدی و (دمیاط)ی
استرداد و (منصوره)یی استیلا ایدیسه+ده بو محاربه+ده نیلك طغیانی زمانه
تصادف ایتدیكندن بر معركه+ده عسكرینك اكثریسی غرق و كندوسی اسیر اولمقدن
بشقه ایش كوره+مدی و صكره افجه قوتیله و بر یمین ایله یقایی قورتاروب
برتقریب مملكتنه دوشدی و (١٢٦١ م و ٦٦٠ ه) تاریخنده فرانسه قرالی
)لویی) دخی اسپانیوللردن و پورنپیزردن طوپلادیغی بر طاقم سبکمغزان
و انكلیز قرالنك اوغلی (ادوارس) ایله كلدیسه ده بو دخی محجوبیتدن
بشقه بر ایش بجره+مدی و اردوسنه مستولی اولان وبا علتندن عسكرینك
بر چوغی و كندوسی وفات ایلدی