اهرمن — مجوسیلرك اعتفادنجه موجودات عالمك مبدئی
اولان ایكی اصلك بریدر و دیكری (یزدان)در و یزدان قدیم و ازلی
و اهرمن محدث و مخلوقدر. بو خبیثلر كویا یزدان بكا بر منازع ظهور
ایدر ایسه عجبا حال نیجه اولور دیو تفكر ایتمسیله و بو تفكر طبیعت
نورانیه+سنه مباین كله+رك متكدر اولمسیله (اهرمن) یعنی ظلمت حاصل اولدی
و اهرمن شر و فساد و ضرر و كساد اوزرینه مطبوع اولدیغیچون حسب
الطبیعه یزدانك یعنی نورك اوستنه چیقدی و یزدانك عسكریله اهرمنك
عسكری بربرلریله محاربه ایدوب نهایت ملائکه+نك توسطیله و اهرمن
یدی بیك ییل عالم سفلاده تصرف ایتمك شرطیله مصالحه وقوعبولدی
ایسه ده اهرمن او اثناده دنیا اهلنی كاملاً هلاك ایلدیكندن میدان كندوسنه
قالدی و صكره نوع بنی آدم (كیومرث)دن بدأ و تكژ ایلدی دیرلر.
مجوسیلرك (زردشتی) فرقه+سی یزدانی و اهرمنی خالق واحدك مخلوقیدر
دیدیلر و (تنویه) و (مانویه) فرقه+لری ایكیسنك دخی قدیم و ازلی
اولدیغنه ذاهب اولدیلر