اهرام — قاعده+سی اشكال ذوكثیرة الاضلاعدن بری اوله+رق
وجوهلری مثلثلردن عبارت اولان و مثلثلرك رأسلری خارجده بر نقطه+ده
برلشان شكل هندسی+یه دینور و اشبو رأسلرك برلشدیكی نقطه+یه اهرامك
رأسی و رأسدن اهرامك قاعده+سی اوزرینه نازل اولان عموده اهرامك ارتفاعی
و مثلثلردن برینك قاعده+سی اوزرینه نازل اولان عموده دخی اهرامك ضلع
قائمی تسمیه اولنور و ارتفاعی قاعده+سنه عمود اولان اهرامه (اهرام قائم)
و ارتفاعی قاعده+سنه عمود اولمیان اهرامه (اهرام مائل) و قاعده+سی شكل
ذوكثیرة الاضلاعدن مثلث اولان اهرامه (اهرام مثلثی) و مربع اولانه
)اهرام مربعی) و مخمس اولانه (مخمسی الی آخره) و قاعده+سی موازی
بر سطح مستوی ایله قطع اولنه+رق قسم علیاسی ترك اولنان اهرامه (اهرام
ناقص) تعبیر اولنور.
هرقنغی بر اهرامك حجمی یعنی مساحۀ جسمیه+سی قاعده+سی سطحنك ارتفاعنه
ضربنك ثلثی اخذ اولنارق تعیین اولنور مثلا بر اهرامك قاعده+سی سطح
٢٥ زراع مربعی اولسه و ارتفاعی دخی ٦ زراع اولسه ) ٥٠=٦×٢٥\٢)
اولور یعنی اهرام مزبور حجمنك اللی ارشون مكعبی اولدیغی اكلاشیلور
فقط اهرام ناقصك مجمی قاعده+لری سطحلری مجموی ینه قاعده+لری حاصل
ضربنك جذریله جمع اولنوب اشبو مجموع دخی ارتفاعنك ثلثنه ضرب ایله
استحصال اولنمق لازمدر مثلا بر اهرام ناقصك قاعدۀ فوقانیسنك سطحی
٢٥ زراع مربعی و قاعدۀ تحتانبسنك سطصی ٦٤ زراع مربعی اولسه
و وارتفاعی دخی ١٢ زراع (٢٥×٢٤×٢٥×٢٤×١٢\٣) اولور یعنی
اهرام ناقص مزبور حجمنك ٥٦ زراع مكعبی اولدیغی تبین ایدر.
مصرده فراعنه+دن بعضیلرینك كندولینه مزار اولمق اوزره یاپدیرمش
اولدقلری ظن اولنان و جزه ایله فسطاط نام محل بیننده و یتمش میل مسافه+ده
و غیر منتظم بر استقامتده منفرداً واقع اولان مبانیء جسیمۀ مشهوره+نك اسمی
دخی (اهرام)در و بونلرك اك جسیملری جزه اوكنده بولنانلردر و ایچلرندن
بعضیلرینك اوزرنده (هیروغلیف) دنیلان خط قدیم ایله بر طاقم وقایع محرر
اولوب خط مزبور ایسه سلطان احمد میدانندكی دیكیلی طاشك اوزرنده
كورلدیكی كبی بر طاقم نقوش و تصاویردن عبارتدر. دردنجی سلالۀ
فراعنه+دن (خیاپوش) نام دیکر (سوفس)ك یاپدیرمش اولدیغی هرمك
قاعده+سنك بر ضلعی ایكیوز یكرمی درت و ارتفاعی یوز قرق ایكی مترو
اولوب زروه+سنده اوتوز قدم تربیعنده بر سطح اوزرنده برقاچ اوطه ایله
مكلف بر مزار موجوددر واون سكزنجی سلاله+دن (قوب) نام فرعونك
یاپدیرمش اولدیغی هرمك قاعده+سی ضلعی ایكیوز اوتوز اوج و ارتفاعی
یوزاللی ایکی و (شفرام) نام فرعونك هرمنك قاعده+سی ضلعی ایكیوز
اون بش و ارتفاعی یوز اوتوز اوچ مترودر و كافه+سنك شكل هندسیلری
اهرام مربعی اولدیغی کبی جمله+سنك وجوه اربعه+سی پوصله+نك ارائه ایلدیكی
جهات اربعه+یه مطابق اوله+رق واقعدر و اك بیوك هرمك مصنوع
اولدیغی طاشك مجموع ثقلت التی ملیون طونولاته یعنی یوز سكز ملیون
قنطار اعشاری اولمق اوزره حساب و تخمین اولنمشدر.
)خیاپوش) نام فرعون اهالیدن اوچ ماهده بر تبدیل اولنمق اوزره یوز بیك
عمله ترتیب و اول امرده جزیرة العربدن كتوریله+جك طاشلرك نقلندده
سهولت اولمق ایچون شوسه قلقلی و فقط اوزری اهرامه قونیلان ایری
طاشلردن قالدیرم دوشه+لی بر یول انشاسنه مباشرت ایدوب یالكز یولنی
اون سنه+ده و هرمنی یكرمی سنه+ده تكمیل ایده+بیلدیكنی و هرمك اوزرنده
عمله+یه ویریلن طورپ و صوغان كبی تعییناتك حیرت افزای عقول اولان
مصارفی منقوش و محرر ایدوكنی ابو المورخین (هردوت) بیان ایلمشدر.
خلفای عباسیه+دن مأمون خلیفه مصره كلدیكنده اهرامدن برینك هدمنی
امر ایتمكله طول مدت چالیشیله+رق بر كوچركنك یكرمی آرشون ثخننده
اولان دیواری دلینوب ایچروسنه كیرلدكده بر اوطه+جق ایچنده (زبرجد)دن
مصنوع بر مطهره ایله قرقر درهم وزننده بیك عدد مسكوك التون بولنمش
و غرائب اتفاقیه+دن اوله+رق مذكور المقدار التونك قیتی دلیكی آچمق ایچون
صرف اولنان مبالغه تقابل ایلمشدر.
ملوك ابو بیه+دن (عبدالعزیز عثمان بن صلاح الدین) زماننده طاشلری
بعض ابنیۀ میریه+یه صرف اولنمق اوزره ینه بر كوچوركنك تپه+سندن
هدمنه باشلانیلوب سكز آی چالیشلدیغی حالده كونده انجق سكزر آرشون
مكعبی جسامتنده طاشلردن برر ایكیشر دانه+سی سوكیله+بیلدی و بونلر اشاغی
براغلدقجه زلزه كبی یری صارصه+رق قومه كومیلوب هر طاش هزار مشقتله
قومدن اخراج و پارچه+لنه+رق صرف اولندی وبر طرفدن دخی فضله+سی
بر كناره استیف ایدلدی و ییغیلان طاشلری كورنلر اهرامك كافه+سی ییقلمش
و هرمه بقانلر هیج بر طاش بیله قوپلرلمامش ظننده و حیرتده قالدی.
آمریقاده مكسیقا قطعه+سنده دخی طاش و طوغله+دن مصنوع و مصر
اهرامنه شبیه مبانیء متعددۀ عتیقه واردر و اورالرجه اسملری (نه اوقالیس)در
اهالی بونلری بیت الله اعتقاد ایدرك قپولری اوكلرنده قربانلر كسرلر