اویس ابن عامر القرنی — سادات تابعیندندر. بو ذات
عالیقدر یمنده (قرن) قریه+سنده ساكن اولور و دوه چوبانلغیله اشتغال
و تعیش بیورر و دائما علیه الصلاة والسلام افندمزك اثنای عالیلرنده
بولنور ایدی. امام علی كرم الله وجهه ورضی الله عنه حضرتلری
مخصوصاً زیارتلرینه كیدوب مصاحبت بیورمشلردر. اصحاب كرامدن
)هرم بن حیان) حضرتلری دخی كورشمسنی آرزو و قریۀ مذكوره+یه
عزیمت ایدوب بصره+یه تشریف بیوردقلرینی خبر آلدیغندن اولطرفه
توجه و فرات نهری كنارنده آبدست آلور ایكن تصادف ایلدكده حضرت
)اویس) اولدن هیج طانیمدیغی حالده كوردیكی كبی بیلوب و بر مقدار
مصاحبت ایدوب (علیک بحفظ قلبك یا هرم) بیوردی.
حضرت (اویس) (٦٥٧ م و ٣٧ ه) تاریخنده وقوعبولان صفین
محاربه+سنده جناب (علی المرتضی) طرفنه كلمش و اثنای محاربه+ده شهید
. اولمشدر (عاش حمیداً ومات شهیدأ)
دین محمدینك ظهورندن اول بلا واسطه و دلیل تحصیل كمال و تنویر بال ایدن
صلحایه (برخیان) دیدكلری كبی علیه الصلاة والسلام افندمزی تصدیق
و شریعت مطهره+یه تمسك و توجه و امداد روحانیت نبویه و مرشدین ایله
واصل الی الله اولان ذوات كرامه دخی (اویسی) دیرلر زیرا حضرت
)اویس) دخی بو صورتده یعنی علیه الصلاة والسلام افندمزی كورمكسزین
و بر واسطۀ ظاهرە+یه مراجعت ایتمكسزین امداد روحانیت جناب نبویه ایله
واصل سرمزنل مقصود اولمشلر ایدی.