لغات تاریخیه و جغرافیه

Lugat-ı Tarihiyye ve Coğrafiyye

اومیروس / هومر

Omirus / Homer

اومیروس یاخود (هومر) — یونان قدمای شعراسندندر بو آدم ازمیرده دنیایه كلوب (٤٦٨٦ خ) تاریخندن یعنی میلادك طقوز یوز سكز سنه مقدمندن اولجه شهرت بولدی. بونك بر شخص موهوم اولدیغنه و (اودیسه) و (ایلیاد) كبی منظومه+لرینك دیكر كمسه+لر معرفتیله طوپلانمش شیلر ایدوكنه ذاهب اولنلرده واردر. اشبو )اومیروس) علی روایة ازمیردن ساقز جزیره+سنه هجرت ایدرك اوراده بر مكتب كشاد ایتدی و آخر عمرنده ایكی كوزی علیل و غایت الغایه فقیر اولدیغندن مملكتلری طولاشوب انشاد ایتدیکی ابیاتی كلیسا قپولرنده اوقویه+رق تعیشه مجبور اولدی. ذكر اولنان آثارنده (ترووا) محارباتنك بعض احوالی و (ایتاکی) حكمداری (اولیس)ك سركذشتی یالان كرچك محرردر و برچوق صاچمه صپان هجویه+لر واردر