ابن سكیت یعقوب بن اسحق — علماء لغتدندر خلفای
عباسیه+دن متوكل بونك ثناسنی ایشیدوب حضورینه جلب و اعتقاد
و اقتدارینی تجربه ایچون (بنم ایكی اوغلم سكا حضرت حسن و حسین
رضی اه عنهمادن سوكیلیمیدر) دیو سؤال ایتدكده (ابن سكیت) واه العظیم
امام علی كرم اه وجهه و رضی اه عنه حضرتلرینك خادمی اولان (قنبر)
بیله بكا سندن سوكیلیدر دیمسیله متوكل غضبه كلوب بیچاره+یی لساننی
ارقه+سندن چكه+رك اعدام ایتدیردی. ابن سكیتك (اصطلاح المنطق)
یاخود (اصلاح المنطق) نامنده بر كتابی واردر و وفاتی (٨٥٨ م و ٢٤٤ ه)
تاریخنده+در.
دیكر روایته كوره (ابن سكیت) خلیفه متوكلك اوغلی معتز ایله مؤیدك
خواجه+سی ایدی متوكلك ذكر اولنان سؤالنه جواب اولمق اوزره حضرت
حسن و حسین رضی اه عنهمایی ثنا ایدوب معتز ایله مؤیددن بحث ایتمدیكیچون
متوكل قارننه باصدیروب خانه+سنه كوندردی و ایرتسی كون خانه+سنده وفات
ایلدی.