اولیس — جماهیر یونانیه+دن (ایتاكی) جمهورینك رئیس
یاخود حكمداری و مشهور (تلماق)ك پدریدر. بو ذات (٤٣١٤ خ))
تاریخنده یعنی میلادك بیك ایكی یوز سكسان سنه مقدمنده جماهیر سائره
حكمدارلریله متفقاً (ترووا) محاربه+سنه كیدوب اون سنه اوغراشدقدن
و ترووا حكومتنی محو و برباد و ممالكنی خراب و بیتاب ایتدكدن صكره.
ایتاكی+یه عودت ایدركن مخالف هوالره تصادف ایدرك و اون بش یكرمی
سنه دكزلرده و ایسسز اطه+لرده و بیلمدیكی مملكتلرده سورینه+رك فنا حالده
پریشان و نهایت مملكتنه واصل اولدیسه ده زمان غیبوبتنده تختنی و زوجه+سنی
بنمسه+مش اولان طمعكارلرك القاأت و افساداتی سببیله اهالی بیننده اولان
اولكی اعتبار و اقبالنی بوله+مدی و بر خیلی زمان اعادۀ اقباله اوغراشوب
اپیجه موفق اولدیسه ده كندو اغورینه نیجه فلاكتلر کچورن اوغلی حقیقتلی
)تلماق)ی هاتف غیبك یعنی یلانجی پاپاسلرك (اوغلك سنی بركون
اولدیرە+جك) سوزی اوزرینه دیار آخره طرد و تبعید ایلمسیله نامنی برباد
ایتدی (تلماق) كلمه+سنه نظر بیوریله .