)اولوج — دولت عثمانیه+ده قپودان اولان مشهور (قلیج علی
پاشا)نك عنوانیدر و قلیج اولوجك غلطیدر. بو ذات اوللری
جزایر بكلر بكیسی مشهور خیرالدین پاشا منسوباتندن ایكن علی التدریج
قطع مراتب ایدرك نهایت جزایرده انتخاب اهالی ایله بكلر بكی اولدی و (تونس)
ولایقنی حرباً آلوب جزایره الحاق ایلدی (١٥٧١ م و ٩٧٩ ه) تاریخنده دولت
علیه+نك (قورفو) و (كفالونیا)یی وندیكلولردن اخذی مأموریتیله كیدن دوننمای
همابونه معاونت ایتمك اوزره جزایر دوننماسیله كلوب خیلی ایش كوردكدن
صكره (پروزه) اچیقلرنده وقوعبولان مشهور محاربه+ده قپودان علی پاشا
مغلوب و شهید و دوننمای همایونك اكثزیسی محتریق اولدیغی صره+ده
مومی الیه (اولوج علی پاشا) بر تقریب كمیسنی قورتاروب درسعادته
كلدكده عهده+سنه قپودانلق رتبۀ رفیعه+سی توجیه بیورلدی و اندن
صكره اون التی سنه داها دولت علیه+یه خدمت ایدوب (١٥٨٦ م و ٩٩٥ ه)
) تاریخنده وفات ایلدی.
مشار الیه زماننده مادن زاده دیمكله مشهور ایدی. طوپخانه+ده بر كوزل
و متین جامع شریفی واردر