اوكوست — روما دولتی قونسللرندن ایكن بالاستقلال حكمدار
اولان (اوقتاو)ك عنوانیدر. (٥٥٥١ خ) تاریخنده یعنی میلادك قرق
اوچ سنه مقدمنده روما ایمپراطوری (سزار)ك اعدامیله ممالكی اوچ
حكومت مشتركه+یه انقسام ایتدیكی زمان اشبو (اوقتاو)ك حصه+سنه دخی
اسپانیا و سردونیا ممالعی دوشمش ایدی لكن مومی الیه حصۀ مذكوره+یه
قناعت ایتمیوب شركاسیله محاربه+لر ایدرك آز مدت ایچنده جمله+سنی مغلوب
و ممالكنی استیلا ر وماده بالاستقلال حكمدارلغنی اعلان انمسی اوزرینه
اشبو (اوكوست) یعنی (مظفر) عنواننه نائل اولمشدر. بو ذات مدت
سلطنتی اولان قرق درت سنه ظرفنده پك چوق یرلر فتح ایدوب نفوذینی
تا حبشستان و هندستانه قدر یورتدی. وفاتی (عیسی) علیه السلامك
ولادتی سنه+سنده+در.
اشبو (اوقتاو) غایت قورناز و ایشنه مقدم وغایت حریص بر ذات ایدی
حتی شریك سلطنتی و انشته+سی اولان (انطوان)ك علیهنه قیام ایتدكده
بیچاره انطوان بر مدت مدافعه+یه چالیشوب نهایت آقسیومده مغلوب و محبوبه+سی
و مصر حاكمه+سی مشهوره (قله+ئوپاتر) ایله مصره فراره مجبور اولدی
و عارندن كندو كندوسنی اوردی مؤخراً قله+ئوپاتر دخی كرك عاشقنك
بو صورتله هلاكندن و كرك اوقتاودن یوز بوله+مامسندن ناشی مسموماً آخرته
كتدی و بو مناسبتله قوجه ملوك بطالسۀ مصریه منقرض و ممالكی روما
دولتنه منتقل اولدی. بوكا (اوكوست)ك غلطی اوله+رق (اغستوس)
دخی دیرلر. اشبو (اوكوست) عنواننی مؤخراً روما حكمدارلرینك
اكثریسی قبول ایتمشلردر. اوقتاوك انقرەده بر معبد خرابه+سنده و التی عدد
طاش دیرك اوستنده بر و صیتنامه+سی محكوكدر اوروپالیلر بو وصیتنامه
اوزرینه ایكی كتاب تألیف ایلدیلر.