اوكتای — جنكبز خانك اوچنجی اوغلی و خلفیدر. (١٢٢٦ م و ٦٢٤ ه)
تاریختده پدری مومی الیه وفات ایتدكدنصكره مغولستان شهنشاهی
اولوب برادرلرینی چین و خوارزمه و اویغوردن سمرقنده قدر ممالكه حكمدار
تعیین و جمله+سنك حمایه+سنی درعهده ایدوب مدت سلطنتی اولان اون اوچ
سنه ظرفنده چینك شمالی طرفنی و ارمنستانی و مسقوه+دن لهستان و مجارستانه
قدر ممالكی و هندستاندن بعض محللری استیلا و شرق و خطای تاتارلرینك
حكومتنی محو و برباد ایلدی و وقت حضر و سفرده برابر بولندیردیغی
علما و امرای اسلامیه+نك همت و دلالتیله خطای خلقنك اكثریسی مسلمان
اولدی. مومی الیهك وفاتی (١٢٣٩ م و ٦٣٧ ه) تاریخندە+در. اوكتای
سخی وكریم الطبع بر ذات اولدیغندن پك چوق فضلا دائره+سنه انتساب
ایتمش و جمله+سی مرتبه و اقتدارینه كوره اكرام كورمشدر. مأموریتلرده
و از جمله مقام وزارتده استخدام ایچون دكرلی و اهل آدم انتخابی بو ذاته
مخصوص بر خصلت ایدی