اوفیانوس قطعه+سی — قطعات خمسۀ ارضك بشنجیسی و اك
كوچكیدر. بو قطعه بحر محیط كبیرده برچوق اطه+لردن عبارت اولوب
حدودینك نهایت عرض شمالیسی اوتوز درت درجه ایسه ده نهایت عرض
جنوبیسی هنوز معلوم اولمامشدر. اوقیانوس قطعه+سی (مالزیا)
و (ملانزیا) و (میقرونزیا) و (پولینزیا) و (اراضیء جنوبیه) ناملرله
بش جزایر مجتمعه+یه منقسم اولوب مشهور (سونده) و (مالاقه) و )صوماتر
و (جاوه) و (بورنه+أو) و (اوسترالیا) و (سلیمان) و (زلاند جدید)
و امثالی جزایر دخی جزایر خمسۀ مذكوره+نك باشلی اطه+لرندندر و بو اطه+لرك
كافه+سنده اكثریسی عبدۀ اصنام و یالكز (مالزیا)لیلرك چوغی اسلام
اولمق اوزره اوتوز بش ملیون نفوس تخمین اولنمقدە+در.
اشبو اوقیانوس ممالكی میلادك بیك سكز یوز تاریخلرینه كلنجه+یه قدر آسیا
ممالكندن معدود اولدیغی حالده تاریخ مذكوردن صكره بشنجی قطعه
اوله+رق تفریق و تحدید اولنمشدر. (اوقیانوس) بحر محیط معناسنه+در