لغات تاریخیه و جغرافیه

Lugat-ı Tarihiyye ve Coğrafiyye

اوق میدانی

Okmeydanı

اوق میدانی — درسعادتده قاسم پاشا محله+سنك اوست طرفنده اوق تعلیم اولنان صحرانك اسمیدر. فاتح (سلطان محمد الثانی) حضرتلری صحرای مزكورك اورته+سنه بر جامع شریف و سلطان (بایزید ثانی) حضرتلری بر زاویه یاپدیردی و سلطان (محمود ثانی) حضرتلری جامع مذكوری تجدید و توسیع ایلدی. بو جامع و زاویه+نك برچوق وقفی و امام و شیخی واردر سلطان (احمد ثالث) حضرتلری دخی اوستریا سفرینه كیدركن صحرای مذكوری مشتا اتخاذ بیوردیغندن اوراده جمعه نمازی قلنمق ایچون بر منبر یاپدیرمشدر. زاویۀ مذكوره+ده كمانكشلر اطعام اولنمق ایچون خیلی وقف باغلنمش اولدیغندن حالا ایام مخصوصه+سنده اجرا اولنور. كمانكشلرك پیری اصحاب كرامدن (سعد بن ابی وقاص) حضرتلریدر و كمانكشلر بیننده مكتوم طوتیلان سر علیه الصلاة والسلام افندمزدن مشارالیهه تنبیه بیوریلان شعاردر اوق میدانده فاتح زمانندن برو پك چوق كمانكش مسابقه اجرا ایلدی بونلردن اك مشهورلرینك قاچ كز اوق آته+بیلدكلری بروجه زیر بیان اولندی. كز عود بكلی قره كوز ١١٦١ دوەكمال ١٢٠٥ چوللی فرح ١٢٢٣ سلطان محمود ثانی ١٢٢٥ هاون دلن ١٢٣٩ شجاع ١٢٧١ توز قوپاران ١٢٨١