اوغوز خان — اك اسكی مغول پادشاهلردن بر ذاتدر. بو ذات
مدت سلطنتنده هند و چین اهالیسیله مدت مدیده محاربه ایدرك پك چوق
ممالك فتح و مغولستانی توسیع و برنجی جهانكیر عنواننی احراز ایلدی
و (یاس) شهرینی مقر سلطنت یاپدی و (٢٩١٦ خ) تاریخنده یعنی
میلادك ایکی بیك التی یوزیتمش سكز سنه مقدمنده وفات ایلدیكندن
یرینه كوچك اوغلی (كوك الب) خان كچدی. اشبو كوك الب
بر روایتده ملوك عثمانیه+نك برنجیسی اولان سلطان (عثمان غازی) حضرتلرینك
جد اعلاسیدر