اوغلان شیخ — طریقت علیۀ بیرامیه+نك ملامی قولندن بر
بیوك ذاتدر. بوكا (چلبی شیخ) و (اسماعیل معشوفی) دخی دیرلر.
بو ذات خلفای بیرامیه+دن (عمر السكینی) حضرتلرینك خلیفه+سی (بنیامن
ایاشی)دن صكره طریقت مذكورده خلیفه و صاحب الوقت اولان
)پیر علی سلطان اقسرایی) حضرتلرینك اوغلیدر سلطان )سلیمان)
حضرتلری ایران سفرینه كیدركن مخصوصاً اقسرایه اوغرایوب پیر
علی سلطان ایله كورشدی و بعض كراماننی كوروب دعاسنی آلدی
و اوغلی مومی الیهك درسعادته كلمسنی رجا ایتدی پیر علی سلطان دخی
بنم اغلمک اسمی اسماعیلدر حق یولنده قربان اولمقدن كیرو طورمز
كوندرەیم دیوب اشبو اوغلان شیخی یعنی اسماعیل معشوقی حضمتلرینی
اون سكز یاشنده اولدیغی حالده درسمادته كوندردی مشار الیه التی آی
صكره پدری مشار الیه وفاتیله مقام قطبیته واصل اولدیغی كبی ظاهر
شریعته منافی بعض سوزلر سویلمه باشلادیغندن و اهالیء استانبول دخی
فوق الغایه هجومله زیارته رغبت كوستردیكندن اوته+ده بروده سویلنانلر
چوغالدی و نهایت سلطان سلیمان حضرتلرینك مملكتنه كتسون دیو
كوندردیكی خبری بن قدریمه راضیم و نه اوله+جغنی بیلورم جوابیله رد
ایلدیكنه بناء مشتكیلرك اخباریله و شیخ الاسلام كمال پاشا زادە+نك فتواسیله
سلطان احمدده اوچلر جامعنك اولدیغی محلده اعدام اولندی (١٥٢٨ م و ٩٣٠ ه)
بوكا بعضیلر (اولنلر شیخی) دخی دیرلر ایسه ده صحیح دكلدر
و (اوغلان شیخ) دینلمسی كنجلكندن ناشیدر