اوستروغوست — آسیانك ایچرولرندن (دینه+پر) نهرینك
ساحل شرقیسنه كلوب بر مدت توطن و كندو جنسلرندن اولوب (ویزیغوت)
نامیله شهرت بولان قوم ایله محاربه+لر ایدوب برقاچ دفعه وطنلرینی تبدیل
و مشهور (آتیللا)نك وفاتندن یعنی میلادك درتیوز سكسان طقوز سنه+سندن
صكره شرق ایمپراطورینك مساعده+سیله و بعض شرائط ایله (پانونی)
و (مزی) اراضیسنده توطن ایدن قومك اسمیدر. بونلر (٤٨٩ م)
تاریخنده ایمپراطور طرفندن حرب ایچون مأموراً عزیمت ایتدكلری ایتالیا
قطعه+سنی بكنوب اوراده یرلشمشلر و التمش سنه قدر تحت حمایه+ده حكومت
سورمشلر ایسه ده صوكنی كتوره+مامشلردر.
)اوستروغوت) شرق غوتلری و (ویزیغوت) غرب غوتلری دیمكدر