اوسترالیا یاخود (فلمنك جدید) — بحر محیط جنوبیده
و (مالزیا) و (پولینریا) آطه+لری آراسنده بر بیوك اطه+در و بو اطه
كرۀ ارض اوزرنده اولان اوچ بیوك اطه+نك اك بیوكی اولوب برچوق
اطه+لری شاملدر.
آوسترالیانك ایچرولری هنوز تماماً كشف اولنمامش ایسه ده سیاحین اپیجه
ایلرولمش و (الپی) دیدكلری طاغلرده كلیتلو التون اولدیغنی خبر
ویرمشدر. اوسترالیا اهالیسی كاملاً زنجی و اسمر و بد چهره اولوب
آطه+نك سواحل شرقیه و شمالیه+سنده ساكن اولنلری اولدقجه متمدن ایسه ده
قصور محللرده+كیلر حیوانات كبی حال وحشت و سفالتدە+در و یوزلرینه
تمغا اورمق و برونلرینه حلقه یاخود كمیك طاقمق واركك چوجقلرینی
بالغ اولدقده اوك دیشلرندن برینی چیقارمق عادات مكروهه+لرندر و همان
كافه+سنك تعیشی بالق صیدیله+در.
بعض انكلیزلر اطۀ مذكورك سواحل شرقیه+سنده توطن و زراعت
ایدرلر. بوراسنی اسپانیا سیاحین بحریه+سندن (واسقو دوغاما) نامنده
بر ذات كشف ایتدی و هندستان سفرینی بعدالاكمال امید بروننی دخی
كشف ایدرك (١٥٠٣ م و ٩٠٩ ه) تاریخنده (لیزبون)ه عودت ایلدی
دیرلر.