آوستریا — اوروپا دولتلرینك برنجیلرندندر. اوستریا ممالكنك بر
قسمی (هون)لر و (واندال)لر و سائر بر طاقم اقوام وحشیه یدنده ایكن
(٧٩١ م و ١٧٥ ه)
تاریخنده فرانسه ایمپراطوری مشهور (شارلمان)ك
قبضۀ تصرفنه كچوب یوز سكسان یدی سنه صكره (بورغ) قونتلغی
نامیله و (ماركی) عنوانیله (لیوپول) نام كمسه+یه احسان اولنمش و اولوقت
اشبو مالكانه+یه (اوستریش) دوقه+لغی دنیلمش ایدی لكن مرقوم لیوپولك
سلاله+سی مؤخراً منقرض اولدیغندن ذكر اولنان دوقه+لق داخلنده بولنان
ممالك (بوهمیا)لولره و دها صكره المانلره كچوب (١٢٨٢ م و ٦٨١ ه))
تاریخنده المانیا ایمپراطوری طرفندن اوغلی ایكنجی آلبر)ه تملیك اولندی
و اخلافی (آرشیدوق) عنواننی آلدی و (١٤٣٨ م و ٨٤٢ ه) تاریخنده
وقوعبولان بوهمیا اختلالی عقیبنده مرقوم (آلبر)ك اقرباسندن (فره+دریق)
وراثت صورتیله و ایمپراطور نامیله تخته چیقوب دولتلر صرە+سنه كچدی
بو دولت بر آره+لق اسویچره و اسپانیایه دخی حكم ایتدیسه ده بو حكم دوام
ایتمدی و مؤخراً (بوهمیا) و (موراویا) و (مجارستان) و (سیلیسیا) حكومتلرینی
و (ترانسیلوانیا) و (خرواتستان) ممالكنی و (١٧١٣ م و ١١٢٥ ه)
معاهدە+سی موجبنجه (بلچیقا) و (ناپولی) و (میلان) و )(ساردنیا)یی
اخذ ایدوب بر سنه صكره ساردنیایی سچلیا ایله مبادله ایلدی و (١٧٤٥ م و ١١٥٨ ه)
تاریخنده برنجی (فرانسوا) تخته چیقوب (١٨٠٥ م و ١٢٢٠ ه)
اختللاتندن المانیا و ایتالیادن خیلی ممالك ضایع ایتدی و صكره
)بورغونیا)دن ماعدا اسكی ولایتلرینه و لومباردیا و وندیك قطعه+سنه مالك
اولدیسه ده (صادوا) مغلوبیتی عقیبنده بو ممالكك بر چوغنی ینه ایتالیایه
تركه مجبور اولدی
اوستریاده اكثریسی قتولك و قصوری روم و اسلاو و خروات اولمق اوزر.
اوتوز سكز ملیون یدی یوز بیك نفوسی تخمین اولنمقدە+در و مقدار
مذكورك التی ملیونی مجاردر.
اوستریش) مقدم شرق معاسنه+در.
شمدیكی ایمپراطورلر مذكور (فرانسوا) سلاله+سندندر. اوستریا
دولتنك قوت و اقتداری ایچون (حكومت) كلمه+سنه نظر بیوریله