اوزون حسن — ایران و كردستان حكمدارلرندندر اصل
اسمی (ابو المنصر مظفرالدین)در. بو ذات مشهور آق قیونلی قبیله+سنه
منسوب اولدیغی حالده (١٤٥٣ م و ٨٥٧ ه) تاریخنده تیمورلنك
سلاله+سندن قره قیونلی حكمداری (جهانكیر) ایله محاربه و عاقبت
غلبه ایدوب قره فیونلیلرك اکثر ممالكنی ضبط و دیاربكرده سلطنتنی اعلان
ایلدی و دولت علیه+دن انتقام آلمق ارزوسنده اولان وندیكلیلرك و قرمان
و علائیه امیرلرینك تشویق و ترغیبیله سلاحنی دولت علیه علیهنه چویروب
ارضروم و بایبورد و ارزنجان ولایاتنی استیلا و بر آرە+لق سوریه ولایتنی
تهدید و اهالیسنی انقیاده مجبور ایلدیسه ده سلطان (محمد ثانی) حضرتلری
(١٤٧٣ م و ٨٧٨ ه)
تاریخنده یوز بیك كشیلك بر اردو ایله بایبورده كیدوب
اوزون حسنك اردوسنی قیصه بر زمانده تار مار ایلدیكندن امانه دوشدی
و عقد مصالحه+دن صكره كیدوب كرجستانی ضبط و متعاقباً (١٤٧٨ م و ٨٨٣ ه)
تاریخنده وفات ایلدی.
مومی الیهك وفاتندن صكره طربزون حكمداری (ژان قومن)ك همشیره+سی
متوفای مومی الیهك زوجه+سی اولمق ملابسه+سیله اورته+یه قونیلان میراث
سلطنت دعواسی برچوق قانلر دوكولمسنه سبب اولمشدر