اوژن — المان دولتی جنراللرندن بر مشهور ذاتدر. بو آدم
ابتدا فرانسه اردولرنده سردار ایكن بر خصوصدن دولایی كوجندیرلدیكنه
بناء كیدوب المانیا دولتی امرای عسكریه+سی سلكنه داخل اولدی و (١٦٩٧ م و ١١٠٩ ه)
تاریخنده دولت علیه اوزرینه سوق اولنان اردویه قوماندان
تعیین اولندیغندن كلوب بیوك محاربه+لر قزاندی و التی سنه صكره (وارادین)
و (بلغراد)ی آلدی و (١٧٤٧ م و ١١٦٠ ه) تاریخته قدر وقوعبولان
فرانسه و باویرا و لومباردیا محارباتنده دخی فوق الغایه ابراز لیاقت ایتدی