اوزبك خان — تركستانده قاپچاق قبیله+سی خانلرندن بر مشهور
ذاتدر. بو ذات (١٣٠٥ م ٧٠٥ ه) تاریخندن (١٣٤٢ م و ٧٤٣ ه)
تاریخته قدر روسیه ممالكنی زیر حمایه+سنه آلوب حكمدارلرینی دیلدیكی كبی
عزل و نصب و استخدامه كسب اقتدار ایتدی و اطاعتدن چیقمق ایته+یان
مملكتلر اهالیسنی قتل عام ایتمك عادتی اولدیغندن اطراف ممالك اهالیسنك
كوزلری ییلدی و كیدرك بتون تركستان اهالیسی اطاعته مجبور اولدی
بونك اولوقت تشكیل ایلدیكی دولته (اوزبكیه) دیرلر و برنجی دولتلر.
صرە+سنده طوتارلر ایدی لكن خان مومی الیهك اخلافی بولدقلری شوكت
و اقتداری ادامه ایدە+میوب تدریجاً ضایع ایلدكلرندن (اوزبكی) نامنی
آلان تبعه+سی اطرافه طاغیلوب بر چوغی افغانستان و بخارا حمایه+لرینی
قبول و بر طاقمی جنوبی روسیه ممالكنده واقع ) توبولسق) ایالتی داخلنده
و بحر حززك جهت غربیسنده اختیار توطن ایلمشدر