لغات تاریخیه و جغرافیه

Lugat-ı Tarihiyye ve Coğrafiyye

اورور

اورور — اسكی یونانیلرك شفق الهه+سی اعتقاد ایتدكلری شخص موهومك اسمیدر. كویا سما آلهی بونك جمالنه عاشق اوله+رق آلوب سمایه چیقارمش و بتون یلدیزلری دعوت و جمعیت ایدرك كندوسنه نكاح ایتمش و هر صباح كونشك عربه+سنه سما قپولرینی اچمق ایچون مأموریت ویرمش ایمش. بونك رسمنی درت بیاض آتلی كموش و التون ایله مزین بر عربه اوزرنده اوتورر و نقاب ایله یوزینی أورتر صورتده یپارلر و صباحلری پاغان قیراغی+یی مرقومه+نك كوز یاشی اولمق اوزره اعتقاد ایدرلر ایدی