اوروپا — قطعات خمسۀ ارضك اك جمعیتلی زنكین و اعتبارلیسیدر
بو قطعه شمالاً بحر منجمد شمالی و غرباً بحر محیط اطلاسی و جنوباً بحر سفید
و شرقاً اورال نهری و طاغلری و بحر حزز و قره دكز و مرمره و اطه+لر
دكزی ایله محدوددر و وسعتی طولاً اوچبیك بشیوز و عرضاً درتبیك كیلو
مترودر. بو قطعه+ده موجود اولان عثمانلی و روسیه و اسوج و اوستریا
و مجارستان و اسویچره و بلچیقا و فرانسه و هولانده و دانیمارقه و بریتانیا و ایرلانده
و المانیا و اسپانیا و پورتكیز و یونان ولایاتنده اوچیوز اون التی ملیون نفوس
تخمین اولنیور. اوروپاده ابتدا یونانیلر مدنیته الیشوب كوچك كوچك
جهوریتلره منقسم اولدی و میلاددن سكز عصر مقدم روما دولتی تأسس
ایدرك یواش یواش ایتالیا و (غول) و (اسپانیا) و (بریتانیای كبر)
و بعض (جرمانیا) و (یونان) و (ایران) و (ارمنستان) ممالكنی استیلا
ایلدی و بو دولت (٤٧٦ م) تاریخنده منقرض اولدقدن صكره اولجه
اوروپایه صوقولمش و بعضاً دولت مشارالیها حمایه+سنه كیرمش اولان
باربارلر برر حكومت تشكیل ایتدی یعنی (ویزیغوت)لر اسپانیاده
و (فرانق)لر غول ممالكنده و (لومبار)لر ایتالیاده و جرمانیانك شمال
جهتنده استقلال بولدی و دها صكره انكلیزلر ساقسونلر ایله برلشوب
استقلاللرینی اعلان ایلدی و میلادك طقوزنجی عصری ابتدالرنده
ایمپراطور مشهور (شارلمان) بر حكومت تشكیل ایدرك اوروپای غربینك
همان هرطرفنی ید ضبطنه آلدیسه ده كندوسندن صكره بو ولایات دخی
طوائف ملوك هیئتنه كیرە+رك المانیا و ایتالیا و فرانسه و بورغونیا و امثالی
حكومتلر ظهوره كلدی و اوننجی عصرده شمال جهتنده+كی حكومات
وحشیه یعنی روسیه و اسوج و نوروج و دانیمارقه ظلمت جهالت و نادانیدن
چیقوب مدنی دولتلر صرە+سنه كیردی و اناطولیده تأسس ایدن دولت
عثمانیه اوروپاده دخی پك چوق ممالكه مالك اولدی و اسپانیاده+كی
حكومات اسلامیه اتفاقسزلق بلیه+سیله ورطۀ انقراضه دوشدی و
(١٤٥٣ م و ٨٥٨ ه)
تاریخنده استانبول قتح اولندی و بو تاریخندن
صكره بیوك دولتلر تشكل ایمكه باشلادی و اون سكزنجی عصرده پروسیا
حكومتی احداث اولندی و (١٧٨٩ م و ١٢٠٤ ه) تاریخنده میدانه
چیقان حرب عمومی اوروپانك حالنی دكشدیروب بر قاچ دولتك ظهورینه
و بر قاچنك انقراضنه سبب اولدی و (١٨٢٨ م و ١٢٤٤ ه)
تاریخنده یونانستان دولت علیه یدندن چیقوب مستقل قراللق اولدی
و (١٨٧٨ م و ١٢٩٥ ه) تاریخنده دولت علیه+نك روسیه+لولره مغلوبیتی
اوزرینه مملكتین و بوسنه و صربستان و بلغارستان و یونان ممالك
و حدودلرنده خیلی تبدلات وقوعه كلدی