اورفه — یاخود (رها) یاخود (رافیا) — حلب ولایتی
داخلنده بر سنجاق مركزیدر. بو شهرك بر كوزل جامع شریفی و نمرود
سرایی نامنده بر خراب قلعه+سی و اوتوز بیك نفوسی واردر و زیارتكاهی
چوقدر ازان جمله قلعه تحتنده اولان بر مغاره حضرت ) ابراهیم) علیه
السلامك طوغدیغی محل و مغاره+نك ایچنده موجود اولان بر یشیل صندق
مشار الیهك بشیكی اولمق اوزره زیارت اولنور. تاریخلرده حضرت
ابراهیمك طوغدیغی قریه دنیلان (كوثا) محله+سی دخی ذكر اولنان
مغارە+نك حذا و اتصالنده اورفه محلاتندن بر محله+در و حضرت (ایوب)
ایله (جابرالانصاری) و (ابو عبیدة الحراج) و (بدیع الهمدانی) و (مسعود
خراسانی) حضراتنك مقاملری دخی مشهور زیارتكاهلردر. اسكی
زمانده مجوسیلرك اك بیوك آتشكدە+سی اورفه+ده ایدی بو آتشكده+نك
ایچنده پرستش ایتدكلری شمس منیری تقدیساً دائمی صورتده آتش یقارلر
و قارشوسنده عبادت ایدرلر ایدی. اورفه شهری رومانوسلر زماننده بر مدت
پای تخت اولمش و میلادك بر عصر اولندن اعتباراً درت عصر مدتده
) آبغار) نام پرنسلر معرفتیله اداره اولنمشدر و ابتدا دین عیسی علیه السلامی
قبول ایدن شهر مزكور اهالیسیدر. اورفه قلعه+سی خارج و اتصالندن نبعان
ایدن و (عین خلیل الرحمن) نامی ویریلان صو قلعه+نك التندن ایچرو كیروب
تخمیاً یوز آرشون طولنده و یتمش آرشون عرضنده اولان و جوانب اربعه+سی
طاشلرله ریختم یاپلمش بولنان حوض كبیره دوكیلور و بتون بغچه+لری صولار
سلطان (سلیمان) حضرتلرینك اشبو صو اوزرنده احیا بیوردیغی زاویه+ده
الآن فقرا و درویشانه اطعام طعام اولنور.
ذكر اولنان خراب قلعه+نك بر بر جنك اوزرنده بربرینه قرق اللی ذراع
یقین و طاشدن اورمه ایکی عدد اوزون دیرك خرابه+سی موجود و بونلر
حضرت ابراهیم ایچون یاپیلان مانجینق اولمق اوزره مشهوردر. محلی
اهالیسنك فماً عن فم ایشیدوب روایت ایتدكلرینه كوره اولوقت اشبوایکی
دیرە+كه رمضانلرده مناره+لره ماهیه ایچون كریلدیکی كبی ایكی قات خلاط
كریلمش و اشبو ایکی خلاط بر اغاج ایله بوكیلوب بردن بره براغلمش ایمش
اورفه+دن پك چوق فاضل و ادیب ظهور ایتدی سلطان الشعراء (نابی)
مرحوم دخی بورالیدر. فرنكلر اورفه+یه (زریسو) دیرلر.