اورشلیم — قدس شریفك بنی اسرائیل نزدنده معروف اولان
نام عتیقیدر. بوراسی معمور اولمزدن اول دخی بو نامله یاد اولنور ایدی
حضرت یعقوب علیه السلام اولاد و انسابیله قونه كوچه حبرون نام
محله كلور ایكن محل مزبوره اوغرایوب بر معبد بنا و براز مدت آرام ایتدیكندن
خیلی زمان صكره معبد مذكور مناسبتیله اورالری معمور اولدی و حضرت
سلیمان زماننده بیت مقدس یاپلدقدنصكره (قدس) نامنی آلدی (قدس)
كلمه+سنه نظر بیوریله