اورخان — دولت عثمانیه+ده ایكنجی پادشاهدر و سلطان
عثمان) حضرتلرینك بیوك اوغلی و حضرت (خداوندكار)ك یعنی
سلطان مراد خان اولك پدریدر و ولادتی (١٢٨١ م و ٦٨٠ ه) جلوسی
(١٣٢٥ م و ٧٢٦ ه)
وفاتی (١٣٥٩ م و ٧٦١ ه) تاریخنده+در. مشارالیه
جلوسی عقیبنده برادری فضلادن (علاءالدین) پاشایی كندو آرزوسی وجهله
مقر سلطنتده اوتوروب ادارۀ ملكه باقمق اوزره وزیر یعنی صدراعظم تعیین
ایتدی و سركردكاندن (اقجه قوجه) نام قهرمان یدیله ازمید و بر سنه
صكره هركه و قره مرسل ضبط و پای تخت بروسه+یه نقل اولندی و صاریجه
زوربا دنیلان باشی بوزق عسكرك یرینه وقت سفرده یومی بر اقچه علوفه
ویرلمك اوزره و پیاده نامیله بر نوع موظف عسكر تحریر و اون باشی و یوزباشی
و بیكناشی ناملریله ضابطلر تعیین ایدلدی بونلردن بشقه دوشیرمه خرستیان
و اسیر چوجقلرندن یكیچری نامیله بر نوع عسكر دها یاپلدی و روم
ایمپراطورینك ازنیق امدادینه كلان عسكری مالتپه و طاوشانلی اوه+سنده
بوزیلموب ازنیق و متعاقباً مدرنی و كملك فتح اولندی و (١٣٣٦ م و ٧٣٧ ه)
تاریخنده مانیاس و بالیكسری و برغمه و قرەسی النوب قرەسی امیرینك ظلمندن
و اختلافات واقعه+دن شكایت ایدن اهالی مسرور ایدلدی و ایمپراطور
)ژان قانتاكوزه) باریشق ایدوب قزی (طونؤدوریه)یی حضرت مشار
الیهه ازدواجه عرض ایلدیكندن بالفبول (١٣٤٦ م و ٧٤٧ ه) تاریخنده
هیئت خاندانیله اسكداره كلوب ایمپراطور ایله كورشدی و اوچ كون
سور و ضیافت یاپلدی و مشارالیهك اوغلی سلیمان پاشا روم ایلنده كلیبولی
و تكفور طاغی و معلقره و ایبصاله و حوالیسنی فتحدن صكره ایمپراطورك
التماس و استمدادی اوزرینه استانبوله كیدوب بالقانلره تسلط و ایمپراطوری
تعجیز ایدن بلغارلری دفع ایلدی.
سلطان (اورخان) حضرتلری باشلرینه دیوانلرده (بورما) تعبیر اولنور
بر نوع امامه و اوقات سائره+ده مولوی كلاهنه مشابه صرمه+لی كلاه كیرلر
ایدی. ذكر اولنان علوفه+لی پیاده مؤخراً باشلرینه بیاض (بورك) كیمش
و دها صكره بتون بتون لغو اولنوب یرلرینه (مسلم) نامیله بر طاقم تیمارلو
سواری تحریر اولنمشدر.
مشارالیهك زماننده یعنی (١٣٢٨ م و ٧٢٩ ه) تاریخنده باقر و كموش اوزرینه
سكه ضرب اولنوب بر یوزینه (لااله الاالله محمدالرسول الله) و دیكر یوزینه
)اورخان خلدالله ملكه) یازلدیغی بعض تواریخده كورلمشدر