اورانغوتان — عربجه نسناس دنیلان بیوك میمونك اسمیدر
بو حیوان براریء عتیقه+نك اك صیجاق محللرنده و خصوصاً (صوماتره)
و (نیانغ) اطه+لرنده و مالغه یارم اطه+سنده پك چوقدر قویروغی اولمیوب
اكثری ایاق اوزری بولندیغی جهتله انسانه مشابه اولدیغندن و هله كوچك
ایكن پك مشابه ایدوكندن بورالرجه یبان آدمی نامنی دخی آلمشدر برونی
یاصی و آغزی بیوك و كوزلری بربرینه یقین و اوست دوداقلری مرتفعجه
و چکه+سی زیاده چیقیق و بطنی بیوك و قوللری اینجه و اوزونجه و قامتی
نهایت ایکی مترویه قریب اولور و دائما كوك و میوه كبی شیلرله تعیش
ایدرك آره+ده فوق المأمول بر مهارتله بالق دخی طوتار و انسانه قولایلغله
آلیشور و هر كوردیکی شیئی تقلید ایدر و آلیشانی حالنه كوره
خدمت دخی كورر لكن صغوق یرلرده علت صدر ایله چابك تلف اولور