لغات تاریخیه و جغرافیه

Lugat-ı Tarihiyye ve Coğrafiyye

اورال / آرال

Ural / Aral

اورال — یاخود (آرال) — آسیای وسطاده تركستان الكاسنك بر بیوك كولیدر و طولی درتیوز اللی و عرضی ایكوز قرق كیلومترو و صویی طوزلیحه و سواحلی الچاقجه+در. مقدما بو كول (ام دریا)دن عد اولنور و (خوارزم كولی) تسمیه ایدیلور ایدی تركستانده و قره. قالپاق دیارنده بولنان اوزبكلر بو كولك و ام دریانك سواحلنده ساكن اولدقلرندن انلره دخی (اوراللر) نامی ویرلمشدر اشبو اوراللرك كافه+سی مسلمان اولدیغی حالده مقدارلری بر بچق ملیون تخمین اولنمقدە+در بو كولك حوالیسنده اولان یوكسك طاغلره اورال طاغلری دیدكلری كبی بو طاغلردن اینوب جنوبه طوغری درتبیك التی یوز كیلومترو اراضی+یی اسقا و بحر حززه انصباب ایدن نهره دخی اورال نهری دیرلر. اوروپایی آسیادن تفریق ایدن اشبو اورال نهرینك نام دیكری (یایق)در. روسیه دولتنك اورال نامنده برده سنجاغی واردر