ابن خلدون — فن تاریخده ابداع ایلدیکی مسلك بهین ایله شهر
تشعار بر فاصل ذوی الاعتباردر بو ذات تونسده دنیایه كلوب فاس
و اندلسده بعض علوم نافعه تحصیل ایتدكدن و بیوك و كوچك برقاچ مأموریت
ویردكدنصكره مصره هجرت ایلدی و مصر حكمداری سلطان(برقوق)
پك كوزل قبول و مالی قاضیلكنی توجیه ایلدیكندن بر مدت دخی بو خدمتده
و سلطان مشارالیهك مشاوری مقامنده بولندی و (١٤٠٠ م و ٣٠٨ ه) تاریخنده
سلطان مشارایله برابر تیمورلنكك اوزرینه كیدوب شام شریفده تیمورلنكه
اسیر دوشدی و هر نقدر تیمورلنكك دخی مظهر التفاتی اوله+رق یانندن
ایرمامق استدیسه ده بو التفات ابن خلدونك ایشنه الویرمدیكندن بر تقریب
مصره قاچوب ینه اولكی كبی بیوك و كوزل مأموریتلره كیردی. فاضل
مومی الیهك ترتیب ایلدیكی تاریخ (١٨٦٧ م و ١٢٨٤ ه) تاریخنده مصرده
یدی جلد اوزرینه طبع اولنمش و موسیو (دوسلان) دخی فرانسزجه
ترجمه+سنی طبع ایتدیرمشدر. ابن خلدونك اسمی عبدالرحمن بن محمددر
و تاریخ وفاتی (١٤٠٥ م و ٨٠٨ ه)در