اوتیش — بر عالم راهبك اسمیدر. بو راهب حضرت مسیح
علیه السلامك حین تجسدنده لاهوت ایله ناسوتی اتحاد ایدوب تمامأ
لاهوت حكمنه كیردیكنی یعنی حضرت عیساده یالكز بر طبیعت الوهیة
اولدیغنی ادعا و نشر ایلدی و بو مسئله اوزرینه ظهور ایدن اختلافی بر طرف
ایتمك اوزره (٤٤٩ م) تاریخنده ایمپراطور (تئودوس)ك امریله تشكل
ایدن (افس) جمعیت رهبانیه+سنده عقیدۀ مذكوره بر درجه+یه قدر قبول
اولنوب بعض نصاری رد ایلدی. بو اعتقاد اولوقت (اوتیشست)
نامیله شهرت بولوب مؤخراً (قبط) و (یعقوبی) و ( ارمنی) شعبه+لرینه
انقسام ایتمش و جمله+سنه بردن (مونوفیزیت) دینلمشدر. (اعتقاد)
كلمه+سنه دخی نظر بیوریله