آوار یاخود (آبار) — تركستانك (توپا) نامیله معارف اهالیء
قدیمه+سندن و (هون) فاملیاسندن بر بیوك قبیله+نك اسمیدر. بونلر ابتدا
)٥٦٣ م) تاریخده (دون) اراضیسنك غرب جهتنده كورندیلر و صكره
طونه+نك برو یقه+سنه كچوب حرباً یرلشدیلر و برقاچ یوز سنه صكره جرمانیا
و ایتالیایی تسخیر و استانبولی تهدید ایلدیلر ایسه ده (٧٩٦ م و ١٨٠ ه)
تاریخنده فرانسه ایمپراطوری (شارلمان)ه دیش کچوره+میوب تسلیم
و اطاعته مجبور اولدیلر و آخیراً اسیر معناسنه اوله+رق (اسلاو) نامنی
الان طائفه ایله اختلاط ایتدیلر. (جوجان) یاخود (اویغور) تركلری
دخی بونلر ظن اولنیور.
اشبو (آوار)لرك بر قسمیده اولوقت طاغستان حوالیسنه یرلشوب صكره
مسلمان اولمشلر و الیوم قافقاسیه+نك شمال جهتنده ساكن بولونمشلر ایسه ده
مقدارلری آزالمشدر و شمدیكی ناملری (اوزمی آوار)در. روسیه+یی
(١٨٣٤ م و ١٢٥٠ ه)
تاریخلرندنرو یكرمی اوتوز سنه تهدید ایدن مشهور
شیخ شامل افندی اشبو اوارلردن یاخود (لزكیلردن ایدی