لغات تاریخیه و جغرافیه

Lugat-ı Tarihiyye ve Coğrafiyye

آنیبال

Anibal

آنیبال — قارتاج دولتی برنجی جنراللرندن مشهور )آمیلقار)ك اوغلیدر. هر محاربه+ده پدریله برابر بولنوب فنون حربیه+یی تحصیل ایتدیكندن پدرینك وفاتنده یكرمی بش یاشنده اولدیغی حالده برنجی جنرال تعین اولنمش و قارتاج دولتی اوته+دنبرو (روما) دولتیله معارض و اخذ ثاره مترصد بولندیغی جهتله (٥٣٧٥ خ) تاریخنده یعنی میلادك ایكیوز اون طقوز سنه مقدمنده برنجی (پونیق) معاهده+سنی نقض و اعلان حرب ایدوب اشبو (آنببال)ی روما حمایه+سنده اولان اسپانیا اوزرینه كوندرمشیدی (آنببال) ذاتاً رومالولره خصومت ایتمك و بهمه حال بر انتقام آلمق ایچون پدرندن نصیحت المش و پدرینك حال احتضارنده نصیحت مذكوره+یی ایفا ایده+جكنه بیوك یمین اتمش اولدیغندن ینار آتش كبی اسپانیایه كیدرك سبب اختلاف اولان (صاغونت) ولایتنی اوروب بتون اسپانیایی تحت اطاعته آلدی و اورادن اوردوسنه برچوق عسكر دها علاوه ایدرك و مروری اولوقنه قدر محال ظن اولونان (الب) طاغلرینی آشه+رق ایتالیایه كچوب رومالولرله اوچ دفعه ایتدیكی محاربه+یی قزاندی وایتالیانك همان یاریسنی آلدی و (٥٣٧٨ خ تاریخنده وقوعبولان مشهور (قان) محاربه+سنی دخی قزانوب رومالولرك بر سرعسكرینی و برچوق سیناتو اعضالریله التی بیك قدر زادكاننی و بتمش بیك عسكرینی تلف و ایتالیانك ضبطنی و روما دولتنك محوینی تسهیل ایتدیسه ده (قاپو)نك ذوق و صفاسنه طالدیغندنمیدر یاخود دیكر بر مطالعه+یه مبنیمیدر ایلرو كتمدی و برو یاندن رومالولر مشهور جنرال (سپیون) ایله افریقا جهتنه بر مكمل اردو كوندروب قارتاج دولتنك پای نختنی تحت محاصره+یه آلدیغندن )انیبال) رجعت و پای تخت مذكوری محافظه+یه مجبور اولدی و هرنقدر یتیشوب براز چارپشدیسه ده دفعلرینه مقتدر اوله+مدیغنه و دولتی نزدنده مسئول و اهالی نظرنده معیوب اوله+جغنی اكلادیغنه بناء سوریه+یه و مؤخراً )پتینیا) حكومتنه التجا ایلدی لكن حكومت مذكوره رومالولرك امرندن چیقه+میوب كندوسنی تسلیم ایده+جكنی اكلادیغی كبی ٥٤١٢ خ) تاریخنده یعنی میلادك یوز سكسان ایکی سنه مقدمنده ككبوزەده كندو كندوسنی اولدیردی