آنی — قارصك شرق جنوبیسنده و اوتوز كیلومترو بعدنده
بر اسکی شهردر. بو شهر وقتیله ارمنستان حكمدارلرینك پای تختی
اولدیغندن پك معمور و قلعه+سی اولوقته كوره برنجی درجه+ده متانتله مشهور
و یوز بیك خانه و بیك كلیساسی اولدیغی متواتر ایدی. بو قلعه+یی
(١٠٤٥ م و ٤٣٧ ه)
تاریخنده یونانیلر بیوك غیرتله
ضبط و (١٠٦٣ م و ٤٥٦ ه)
) تاریخنده (الب ارسلان سلچوقی) خندقلر طلوسی عسكر
فداسیله استیلا و دها صكره كرجیلر و عجملر و ارمنیلر و مغوللر بربرینی
متعاقب هجوم و سنه+لرله محاصره و تضییق ایلدكلرینه بناء اهالیسی
طاغلدی و (١٣١٩ م و ٧١٩ ه) تاریخنده دخی بر بیوك حركت ارض
وقوعبولدیغندن خراب اولوب ایلر طوتار یری قالمدی.
شمدی یالكز بعض آثاری كورلمكده و موجود اولان خراب سورینك محیطی
اون التی میل تخمین اولنمقدە+در.