آنه — (٤٣٢٤ خ) تاریخنده یعنی میلادك بیك ایكیوز یتمش
سنه مقدمنده منقرض اولان (ترووا) دولتی حكمدارلرندن متوفی (پرییام)ك
دامادیدر. بو ذات قائن پدرینك مغلوب و مقتولیتندن صكره بر چوق
مهاجرلر ایله آفریقایه و اورادن بر سنه صكره ایتالیایه کچوب توطن ایلدی
و براز مدت صكره (لاتینوم) دیدكلری اهالیء قدیمه+نك یعنی (آبوریز)لرك
رئیسی اولان (لاتینوس)ك قزینی آلدی و مؤخراً (روتول) محاربه+سنده
خیلی قهرمانلق كوستردیكندن اهالیء مرقومه+نك محظوظیتنی قزانوب قائن
پدرینك وفاتندن صكره ریاست مذكوره+یه نائل اولدی.
تاریخ مذكوردن بشیوز اون یدی سنه صكره روما دولتنی تشكیل ایدن
ذات اشبو (انه) سلاله+سندندر