آنوشان — ملوك ارامنه+دن مقتول (كارطوس)ك اوغلی
و خلفیدر. پدری مومی الیه (٣٨٢٥ خ) تاریخنده یعنی میلادك
بیك یدی یوز یكرمی طقوز سنه مقدمنده آثوریا محاربه+سنده قتل اولندیغی
زمان بو ذات آثوریلرك مقر اداره+سی اولان (نینوه) حبسخانه+سنده محبوس
ایدی پدرینك قتل اولندیغنی خبر آلدیغی كبی بر تقریب قورتیلوب ممالك
موروثه+سنی استخلاصه موفق اولدی و التمش اوچ سنه سلطنت سوروب
٣٩٢٨ خ) تاریخنده بلا ولد وفات ایتمكله (ارامیان) سلالۀ حكمرانیسی
منقرض اولوب ممالكی رؤسا و وكلا بیننده تقسیم اولندیغندن ارمنستان
سكز یوز سنه قدر طوائف ملوك هیئتنه كیردی.