انكیزیسیون — قتولك مذهبنی محافظه و خلافنده اولنلری
تأدیب و تربیه ایچون (١٢٣٢ م و ٦٣٠ ه) تاریخنده اسپانیاده (قطالونیا)
شهرنده تشكل ایدن جمعیت رهبانیه+نك اسمیدر. بو جمعیت اسپانیانك
هر طرفنده برر شعبه آچوب مسلمانلره و یهودیلره و بونلرك طرفدار و محبلری
اولان و محاربه+لرده مسلمانلره معاونت ایدن قتولكلره اتمدكلری ظلم و تعدی
و اذا و جفا قالمدی. واقعا انكیزیسیونك ابتدای تأسسنده وظیفه+سی
روحانی متهم اولنلری جزالندیرمقدن عبارت ایدیسه ده صكرە+لری یعنی
(١٢٨١ م و ٨٨٦ ه)
تاریخنده اندلس اهالیء مسلمه+سنك بتون بتون محو
و طردینه یورییان قرال (فردیناند) و زوجه+سی (الیزابت)دن
زیاده+جه یوز بولملری اوزرینه قامتی آزدیروب ایشی اولدرجه+یه
واردیردیلركه عندلرنده متهملری بودروملره آتوب آجلق و صوسزلقله
اولدیرمك و آتشده یاقمق و خاطر و خیاله كلمدك اشكنجه+لرله تلف ویا مجروح
ایتمك طاوق كسمك قدر بیله اهمیتلی دكل ایدی. بو خباثت بر آره+لق
فرانسه و ایتالیا ممالكنه دخی سرایت ایدوب ایكنجی ) فلیب) زماننده
)پئی پا)ده بر بیوك اختلاله و اورانك اسپانیادن تفریقنه سبب اولمشدر.
اشبو انكیزیسیون جمعیتلرینك آزغنلغی تاریخندن تاریخ الغاسی اولان
(١٨٠٨ م و ١٢٢٣ ه)
تاربخنه قدر ایتدكلری ظلم وجفانك درجاتی بیلنمك
ایچون زیرده محرر حسابی مطالعه و تصور كافیدر.
نفوس عدد
٥٠٠٠٠٠٠ شرلرندن دیار آخره فرار ایدن
٢٩١١٥٤ كوركه و زندانه وضع اولنوب اكثریسی تلف اولان
٤٣٠٠٠ .. قورقولرندن و اشكنجه+دن تلف اولان
٣٣٧٤٦ . دیری دیری احراق اولنان
١٨٠٢٧ .. بعدالاعدام جسدلری احراق اولنان
١٨٠٠٠ اشكنجه+دن مجروح اولان
٥٤٠٣٩٢٧ یكون بش ملیون درتیوز اوچبیك طقوز یوز یكرمی
یدی نفوسدر