انقره — یاخود (انكوری) شهری — قونیه+نك جهت
شمالیسنده و ایكیوز التمش بش كیلومترو بعدنده ینه بو نامده اولان ولایتك
مركزیدر و تخمیناً قرق بش بیك نفوسی واردر.
بو ولایتده حاصل اولان كچی و قیون تفتكی غایت اوزون و یومشاق و بیاض
و پارلاق اولدیغندن اوروپالولر الوب نفیس قماشلر یپارلر و آولنان طوشانلرك
توكلرینی دخی معتبر طوتارلر. بوراده هر درلو محصولات یتشدیکی
كبی میوه+سی دخی پك كوزل اولور ایسه ده عصر اخیرده برقاچ دفعه
قحط ظهور ایلمشدر. انقرە+ده قیصر (اوكوست)ك بر هیكلی و مشتری+یه
منسوب دیكر بر جسیم هیكل وار ایدی و بر معبد خرابه+سی اوزرنده
قیصر مشارالیهك و صیتنامه+سی محكوك ایدی حتی اوروپالولر و صیتنامۀ
مذكور اوزرینه ایكی كتاب تألیف اتمشلردر انقره اسكندر رومینك و سائر
ملوك رومیه+نك یدینه دخی كچوب مؤخراً عجملر طرفندن استرداد اولندی
و هارون الرشید و معتصم زمانلرنده ید اسلامیانه و دها صكره سلچوقیلره
کچوب (١٣٦٠ م و ٧٦٢ ه) تاریخنده سلطان (مراد اول) حضرنلرینك
همتیله قرمان امارتندن استخلاص و ممالك دولت علیه+یه الحاق ایدلدی.
(١٤٠١ م و ٨٠٤ ه)
تاریخنده سلطان (یلدیرم بایزید) خان ایله تیمورلنكك
محاربۀ مشهورە+سی و خان مشارالیهك اسارتی انقره صحراسنده وقوعبولمشیدی