انطوان یاخود (انتونیوس) — بو ذات روما دولتی
قونسللرندن ایكن (٥٥٥٠ خ) تاریخده یعنی میلادك قرق درت سنه
مقدمنده و روما ایمپراطوری (سزار)ك عقیب قتلنده اخص رفقاسندن
ایکی ذات ایله سوزی پیشیروب روما ممالك جسیمه+سنی كویا مشتركاً اداره
اتمك اوزره اوچه تقسیم ایلدی و كندو حصه+سنه اصابت ایدن آسیا
و ماكیدونیا و سوریه و یونانستان ممالكنه كیدوب حكومتنی اعلان ایلدی
و سلالۀ ملوك بطالسه+دن مصر حاكمه+سی مشهوره )قله+ئوپاتر ایله بالناسبه
ملاقات ایدوب حسن و آن و شیوه و رفتارینه دلبسته اولدیغندن بر دها
بربرلرندن ایرلمامق و ملكلرینی برلكده اداره اتمك اوزره عقد اتفاق و محبت
ایلدیلر لكن حریص اقبال اولان و دیكر شریكی )لبیر)ی قتل و ملكنی
غصب ایدن شریك سلطنتی (اوقتاو) بونك دخی ازاله+سنه فرصتجی
اولدیغی حالده مومی الیها ایله ملاقاتنی خبر الدیغی كبی رومالولری
بالتشویق اوزرینه عسكر چكوب (آقسیوم)ده محاربه ایتدی و بو
محاربه+یه معشوقیله برابر كلمش اولان مومی الیها قله+ئوپاتر مغلوبیت كندو طرفلرنده
واقع اوله+جغنی حس ایتدیکی كبی كتوردیكی مصر عسكریله برابر مصره
رجعت ایلدیكندن (انطوان) ضعیفلیوب فنا حالده مغلوب و او دخی مصره
فراره مجبور اولدی و عارندن كندو كندوسنی اولدیردی.
)آقسیوم) نارده كورفزی داخلنددر.
غول ممالكنك دخی انطوانه عائد اولدیغی بعض تواریخده كورلدی بو
حالده اولوقت یونانستانه و ماكیدنیایه مربوط ممالكك بعضیسنده دخی
غول وار ایمش دیمك اولور